يا شمس ليلي
وضلتي....
يا دمع عيني
وضحكتي....
يا حضن دافي في الشتا
مالهوش مثيل يامه.
كل الحنان فيكي سكن،
ياللى مليش غيرك سكن.
يامه يا نجمه فى السما،
وأنا حتة منك ..إنما..
ملهاش ضي.
كان نفسي أكون زيك،!!
ولكن .. فى السما،
في نجوم كتير ملهاشي زي.
إنتِ القريبه..والحبيبة
واللى ياما ف همنا شيلتي.
سامحينى يا امه لو فى يوم
جهلآ عصيت.
ياللى إحتملتيني،
وبنيتى بضحكتك،
فالصبر بيت.
شوفى النهاردة اذاى بقيت؟
نجمه فى قلب الشعر...
تضوي....بالوجع.
من غيرك انت اللى صنع،
جوايا همس الكلمات.؟
لو يوم نسيت فضلك عليا،
ورقتك...
سندك لضهري فى شدتي،
ياللى نسيتى شدتك.
ونسك لقلبي فى الخلى،
إن قالوا يااما إني نسيت،
فضلك عليا ...ووقفتك.
يبقى صحيح...
قلبي إتبلى.
